Цахилгаан дамжуулах шугам тавигдлаа

Мөрөн Агро ХАА-н кластер нь суурин газраас зайдуу орших тул өөрийн бие даасан дэд бүтцийн шийдэлтэй байх шаардлага үүүсэж байгаа юм. Иймээс тус кластерийн үйлдвэрлэлийн хэрэгцээнд шаардлагатай 400кВ-ийн цахилгааны эх үүсвэрийг 3,1км-ийн зайд байрлаах цахилгаан дамжуулах шугамнаас 10кВ-ийн агаарын шугам татаж, улмаар 10/0,4кВ-ийн дэд станц суурилууллаа. Мөн кластерийн дотор байх 0,4кВ-ийн 1,2км урт агаарын шугамын ажлыг хийж бэлэн болголоо. Уг ажлыг Өрнүүн энерги ХХК-ийн мэргэжлийн баг гэрээгээр хийж гүйцэтгэсэн болно.