Монгол хэл
English 
2017.06 сар
“Мөрөн Агро” ХХК үйл ажиллагааныхаа хүрээнд Хөвсгөл аймгийн Бүрэнтогтох сумын Эрчим багийн нутаг хөдөө аж ахуйн үйлдэрлэл, технологийн кластер байгуулахаар өнөөдөр Мах боловсруулах үйлдвэрийн шав тавьлаа.
Тус үйлдвэр нь ХАА-н салбарт үнэ цэнийн хэлхээ бий болгох зорилгын хүрээнд махны кластерийг байгуулах эхлэл болох юм. Тус үйлдвэр нь олон улсын хүнсний аюулгүй байдлын шаардлага хангасан үйлдвэр болох бөгөөд ингэснээр Монгол бэлчээрийн махыг гадаад орон руу экспорт хийх боломж бүрдэх юм.
Хөвсгөл аймагт мах боловсруулах орчин үеийн үйлдвэр байгуулагдсанаар орон нутагт 100 гаруй ажлын байр шинээр бий болж, аймгийн аж үйлдвэрийн салбарын борлуулалтад дорвитой ахиц гаргана хэмээн компанийн захирал Д.Сүхбат онцоллоо.
Тус үйлдвэрийг 2 жилийн дотор барьж ашиглалтад оруулах бөгөөд 2019 оны намраас махны экспорт хийхээр тооцож байна. Үйлдвэрийн бүрэн хүчин чадлаараа ажиллавал хоногт 100 гаруй бод, 800 орчим бог мал төхөөрч, стандартын дагуу ангилан бэлтгэх юм байна.